IND -WI - પ્રયોગ કરવાથી ટીમ ઇન્ડિયા હારી કે પછી અસક્ષમતા ?

IND -WI – પ્રયોગ કરવાથી ટીમ ઇન્ડિયા હારી કે પછી અસક્ષમતા ?

ટીમ ઈન્ડિયાને વેસ્ટ ઈન્ડિઝ સામેની બીજી વનડેમાં છ વિકેટથી હારનો સામનો કરવો પડ્યો હતો. 29 જુલાઈ (શનિવાર)ના રોજ બ્રિજટાઉનના કેન્સિંગ્ટન ઓવલમાં રમાયેલી મેચમાં ભારતે વેસ્ટ ઈન્ડિઝને માત્ર 182 રનનો ટાર્ગેટ આપ્યો હતો, જે તેણે 80 બોલ બાકી રહેતા હાંસલ કરી લીધો હતો. આ જીત સાથે વેસ્ટ ઈન્ડિઝે ત્રણ મેચની વનડે શ્રેણીમાં 1-1થી બરાબરી કરી લીધી છે. હવે વનડે શ્રેણીની ત્રીજી અને નિર્ણાયક મેચ 1 ઓગસ્ટે ત્રિનિદાદના બ્રાયન લારા સ્ટેડિયમમાં રમાશે.

એક વેસ્ટઇન્ડસ જેવી નબળી ટીમ સામે ભારતની ટીમ જીતી ન શકે તો વિશ્વકપ કેવી રીતે જીતી શકશે તેવા સવાલ ચાહકોને થઇ રહ્યા છે રોહીત અને કોહલી વગર ટીમ વેસ્ટ ઇન્ડિઝ જેવી ટીમ સામે પણ જીતી ન શકે તે ચોક્કસ સવાલ થશે જ . વિશ્વકપ નજીક છે અને ટીમમાં કોઇ બેલેન્સ દેખાતુ નથી.

નાના લક્ષ્યનો પીછો કરવા ઉતરેલી વેસ્ટ ઈન્ડિઝને કાયલ મેયર્સ (36 રન) અને બ્રાન્ડોન કિંગ (15 રન) દ્વારા શાનદાર શરૂઆત અપાવી હતી. બંનેએ મળીને 40 બોલમાં 53 રન ઉમેર્યા. ફાસ્ટ બોલર શાર્દુલ ઠાકુરે મેયર્સને આઉટ કરીને આ ભાગીદારી તોડી હતી. શાર્દુલે ફરીથી કિંગ અને એલીક અથાનાઝ (6 રન)ને આઉટ કરીને ભારતીય ટીમને મેચમાં વાપસી કરાવી હતી. કુલદીપ યાદવે પણ શિમરોન હેટમાયર (9 રન)ને બોલ્ડ કરી વેસ્ટ ઈન્ડિઝનો સ્કોર ચાર વિકેટે 91 રન પર કરી દીધો હતો.

અહીંથી એવું લાગી રહ્યું હતું કે મેચ ખૂબ જ રોમાંચક બનશે, પરંતુ કેપ્ટન શાઈ હોપ અને કેસી કાર્ટીએ શાનદાર બેટિંગ કરીને મેચને એકતરફી બનાવી દીધી હતી. પ્લેયર ઓફ ધ મેચ, હોપે 80 બોલનો સામનો કરીને અણનમ 63 રન બનાવ્યા, જેમાં બે ચોગ્ગા અને વધુ છગ્ગાનો સમાવેશ થાય છે. તે જ સમયે, કિસી કાર્ટીએ 65 બોલમાં ચાર ચોગ્ગાની મદદથી અણનમ 48 રન બનાવ્યા હતા. કાર્ટી અને હોપ વચ્ચે 91 રનની ભાગીદારી થઈ હતી. આ હાર સાથે વેસ્ટ ઈન્ડિઝ સામેની વનડેમાં ભારતની સતત 9 જીતનો સિલસિલો સમાપ્ત થઈ ગયો.

ભારતીય ટીમે આ મેચ માટે નિયમિત કેપ્ટન રોહિત શર્મા અને સ્ટાર બેટ્સમેન વિરાટ કોહલીને આરામ આપ્યો હતો. આવી સ્થિતિમાં હાર્દિક પંડ્યાએ ટીમની કમાન સંભાળી છે. પ્રથમ વનડેમાં પણ ભારતીય ટીમે પ્રયોગ કર્યો હતો, ત્યારબાદ 115 રનનો લક્ષ્યાંક હાંસલ કરવા માટે તેણે પાંચ વિકેટ ગુમાવી દીધી હતી. વિરાટ કોહલી બેટિંગ માટે પણ આવ્યો ન હતો, જ્યારે રોહિત પાંચ વિકેટ પડ્યા બાદ રમવા આવ્યો હતો. ODI વર્લ્ડ કપ 2023 પહેલા લગભગ બે મહિના પહેલા રોહિત અને કોહલીને આરામ આપવાનો નિર્ણય ચોક્કસપણે પ્રશ્નો ઉભા કરશે.

લેફ્ટ-રાઈટ કોમ્બિનેશનને ધ્યાનમાં રાખીને સંજુ સેમસનને ત્રીજા અને અક્ષર પટેલને ચોથા ક્રમમાં મોકલવામાં આવ્યો હતો. જો કે, બંને ખેલાડીઓ જેડન સીલ્સ, અલ્ઝારી જોસેફ અને રોમારિયો શેફર્ડની શોર્ટ બોલ વ્યૂહરચના સામે સંઘર્ષ કરી રહ્યા હતા. અક્ષર (1 રન) શેફર્ડના બોલ પર વિકેટકીપર હોપના હાથે કેચ આઉટ થયો હતો. કાર્યકારી કેપ્ટન હાર્દિક પંડ્યા (7 રન) પણ વેસ્ટ ઈન્ડિઝના બોલરોની જાળમાં ફસાઇ ગયો હતો. પંડ્યા જેડન સીલ્સના બોલને સોટ મારવામાં મિડવિકેટ પર બ્રાન્ડોન કિંગને આસાન કેચ આપીને આઉટ થયો હતો.

ભારતીય ટીમ 40.5 ઓવરમાં 181 રનમાં સમેટાઈ ગઈ હતી. વરસાદે પણ બે વખત ભારતીય દાવમાં વિક્ષેપ પાડ્યો હતો, પરંતુ ઓવરોમાં કોઈ ઘટાડો થયો ન હતો. જો જોવામાં આવે તો ટીમ ઈન્ડિયાએ 91 રનમાં પોતાની 10 વિકેટ ગુમાવી દીધી હતી. ભારત તરફથી ઈશાન કિશન (55), શુભમન ગિલ (34), સૂર્યકુમાર યાદવ (24), શાર્દુલ ઠાકુર (16) અને રવિન્દ્ર જાડેજા (10) માત્ર બે આંકડા સુધી પહોંચી શક્યા હતા. વેસ્ટ ઈન્ડિઝ તરફથી ગુડાકેશ મોતી અને રોમારિયો શેફર્ડે ત્રણ-ત્રણ વિકેટ ઝડપી હતી. અલઝારી જોસેફને બે જ્યારે કારિયા અને સીલ્સને એક-એક વિકેટ મળી હતી.